भोजपुरी फ़िलिमन क सबसे बड़ सर्वे, रवि किशन बनलन सर्वश्रेष्ठ अभिनेता

भोजपुरी फिलिम स्टार रवि किशन एक बार फिर साबित कर देहलन कि लोकप्रियता अऊर अभिनय के मामले में ओनकर कोई जोड़ नईखे ह। देश क बड़ मिडिया समूह में से एक संडे इन्डियन अऊर रिसर्च कंपनी आई.सी.एम.आर. दू महीने तक चलल एक सर्वे के बाद रवि किशन के समीक्षकन अऊर बुद्धिजीवियन क नज़र में अव्वल नंबर पर रखलन। इंडिया न्यूज़ इ पूरे सर्वे पर रवि किशन के साथ दू घंटे क लाइव टेलेकास्ट कईलस जहां भोजपुरी फिलिमन क वर्तमान, भविष्य के साथ साथ अश्लीलता पर भी चर्चा भईल। रवि किशन स्पष्ट तौर पर कहलन कि ओनकर फिलिमन में अश्लीलता औरों के मुकावले हमेशा से कम रहत आईल ह अऊर जब कभी रहल भी ह त ऊ कहानी क मांग अऊर दर्शकन के नज़रिए के ध्यान में रखकर कईल गईल ह। गुरुवार क रात इंडिया न्यूज़ संडे इन्डियन अऊर रिसर्च कंपनी आई.सी.एम.आर. के सर्वे के आधार पर रिंकू घोष के सर्वश्रेष्ठ अभिनेत्री क खिताब देहलस। रवि किशन अभिनीत अऊर हैरी फ़र्नान्डिस निर्देशित फिलिम भूमिपुत्र के साल २००९ क सर्वश्रेष्ठ फिलिम आँकल गइल।

उल्लेखनीय ह कि देश के कोने कोने से हजारो भोजपुरिया दर्शकन क राय के आधार पर इ सर्वे के पूरा कईल गईल ह। भोजपुरी फिलिम अवार्ड में लगातार पांच बार बेस्ट अभिनेता क पुरस्कार पा चुकलन रवि किशन के अभी तक सौ से भी अधिक सम्मान अऊर पुरस्कार प्राप्त हो चूकल ह। लाइव टेलीकास्ट के दौरान रवि किशन वादा भी कईलन कि राउर आपन प्रोडक्शन हॉउस से पा अऊर ब्लेक जईसन फ़िलिम क निर्माण के बारे में भी सोचत हऊअन, राउर आशा जतईलन कि महानायक अमिताभ बच्चन के राउर एक बार फिर से भोजपुरी फिलिम में लहियन। द संडे इन्डियन क सम्पादक ओम्कारेश्वर पाण्डेय सर्वे की सफलता बदे भोजपुरिया दर्शकन अऊर आपन टीम के बधाई देहलन अऊर कहलन कि सर्वे क विस्तृत रूप ओनकर पत्रिका के अगले अंक में प्रकाशित कईल जाइ। दू घंटे क मेगा लाइव में रवि किशन इ बात से भी इनकार कईलन कि राउर भोजपुरी क तुलना में हिंदी फिलिमन के अधिक ध्यान देवत बाड़े। राउर कहलन कि दस साल में सौ से भी अधिक भोजपुरी फिलिम में अभिनय खुद दर्शावेला कि राउर भोजपुरी फिलिमन के प्रति केतना समर्पित हउअन, भोजपुरी से राउर कभी गद्दारी नइखे करिहन काहें कि भोजपुरी ओनकर माँ पिता क भाषा ह।

श्रोत : उदय भगत Read in English

Share

0 comments posted

No comment posted yet! Be the first.

Say something