एसटीएफ के हत्थे चढ़ल जालसाज भोजपुरी फिलिम निर्माता

वाराणसी: फिलिम में हीरो-हीरोइन बनावे क झांसा देकर जालसाजी करे वाला निर्माता श्रवण कुमार जायसवाल बुधवार के वाराणसी में एसटीएफ के हत्थे चढ़ गइल। एसटीएफ श्रवण के कब्जे से दू मोबाइल फोन, फर्जी नाम-पते क एक सिमकार्ड अऊर पाण्डव फिल्म प्रोडक्शन के नाम से जारी रजिस्ट्रेशन सर्टिफिकेट बरामद कइलस। श्रवण के खिलाफ सिगरा थाना में धारा 406, 419, 420, 467, 468, 417 के तहत मुकदमा दर्ज कईल गईल ह। एसटीएफ के क्षेत्राधिकारी दुर्गेश कुमार बुधवार के सिगरा थाने में बतवलन कि गोरखपुर के झंगहा थाना क्षेत्र के निबही निवासी श्रवण कुमार जायसवाल दू वर्ष पूर्व समाचार पत्र में हीरो-हीरोइन बड़े विज्ञापन प्रकाशित करवले रहल जेहके देखकर जंसा थाना क्षेत्र के सारनपुर के नंदलाल पटेल श्रवण के फोन कईलन त श्रवण टीवी पर चल रहल एक भोजपुरी फिलिम के पात्र क भूमिका के दिखाकर कहलन कि अईसन रोल ओनके मिली। श्रवण फिलिम में काम के एवज में नंदलाल से डेढ़ लाख रुपये क मांग कईलन। सौदा एक लाख रुपये पर तय भइल। नंदलाल पहिले 25 हजार अऊर बाद में 63 हजार रुपये श्रवण के बैंक खाते में जमा करवलन।

श्रवण बाकी कई लोगन के भी हीरो-हीरोइन बनावे क झांसा देकर इ प्रकार धन बटोरले रहलस। नंदलाल के शक होखे पर एसटीएफ के मुख्यालय में एहकर शिकायत कइलन। भुक्तभोगी नंदलाल क शिकायत पर मामले क जांच एसटीएफ वाराणसी के सौंपल गईल। एसटीएफ क जांच में पता चलल कि श्रवण कुमार पाण्डव फिल्म प्रोडक्शन के नाम पर एक कंपनी खोलले रहलन अऊर झांसा देकर विभिन्न लोग से तकरीबन पांच लाख रुपये वसूलले रहलन। एसटीएफ श्रवण से पूछताछ करे बदे ओहके पहडि़या स्थित आपन कार्यालय में बुलवलस जहां भुक्तभोगी पहिले से हाज़िर रहल। पूछताछ में अभियुक्त बतवलस कि उ गणपति फिल्म प्रोडक्शन, गोरखपुर में मैनेजर अऊर सह निर्माता के रूप में काम कर चुकल ह। इहे कंपनी के बैनर तले “अइले दुलहा दिलदार”, “माई हो देवी” व “श्रीनाथ श्री सांई बाबा” आदि एलबम जारी भइल रहल।

नंदलाल के अलावा तरवा (आजमगढ़) के राजू चौहान अऊर चौरीचौरा (गोरखपुर) के चंद्रशेखर प्रजापति भी आरोप लगवाले हऊअन कि फिल्म में काम देवे के नाम पर दूनों से क्रमश: 60 हजार और 20 हजार रुपये लिहल गईल रहल पर न त फिलिम में काम मिलल अऊर न ही पईसा।

स्त्रोत : News AgencyRead in English

3 comments posted (Showing 1 to 3)

sir naksalwad bihar ke satya ghatnao par romanchak roop se likhi gai kahani hai,yah film vivadit ho sakti hai, par poliwood me achha busines karega q ki sari ghatna sitamarhi aur shivhar ki hai aap script ke lie 09546967089 par kumar dharmendra se sampark kare

Posted by : dharmendra at 12:36:16 on 2011-04-16

ऐसे दलालों को तो जरुर सजा मिलनी चाहिय क्योकि इनकी वजह से आने वाले नए कालकारो का भविष्य कह्राब हो जाता है ..

Posted by : sunil yadav at 07:24:37 on 2011-03-05

अबे साले लोग कहाँ पहुँच गिल तू साले लटकल बार ,तहरा जैसन फ्रौड़ प्रोडूसर के कौनो भोजपुरी फिल्म के सीन में ओरिगिनल मुआ देवे के चाही , केतना आर्टिस्ट आपण जिंदगी दाव पे लगा के स्त्रुगले करेला,ओकर बद्दुआ से डर

Posted by : Rajendra Karn at 06:52:15 on 2011-03-03

Say something