अग्नियुद्ध आम आदमी से जुड़ल फ़िलिम ह : राजू चौहान

2010-11-11

आपन में हिन्दी फ़िलिम "अग्निमोर्चा" में धर्मेन्द्र अऊर रवि किशन के निर्देशित करे के बाद अब राजू चौहान आपन पहली भोजपुरी फ़िलिम "अग्नियुद्ध" के साथ भोजपुरी सिनेमा में पर्दापण करे बदे तय्यार हऊअन। पेश ह राजू चौहान से भोजपुरियासिनेमा॰काँम क संवाददाता से भईल बातचीत क कुछ अंश...

राजू जी, हिन्दी फ़िलिम बनावे के बाद भोजपुरी फ़िलिम बनावे क विचार कईसे आइल ? ?

हमार घर बुलंदशहर, उत्तर प्रदेश में पड़ेला। धर्मेन्द्र जी के फ़िलिम देख के हमऊ मुम्बई पहुच गईलीं। इहाँ काफ़ी स्ट्रगल के बाद हम के “अग्निमोर्चा” बनावे क विचार आइल त ई बात हम आपन प्रिय मित्र रवि किशन के बतईलीं। धीरे धीरे इ विचार एक प्रोजेक्ट क रूप लेहलस अऊर इ फ़िलिम से धर्मेन्द्र, मुकेश खन्ना अऊर सिमरन भी जुड़लन। जहाँ तक भोजपुरी फ़िलिम “अग्नियुद्ध” क सवाल ह त काहें कि हम त उत्तर प्रदेश क रहे वाला हईं अऊर भोजपुरी फ़िलिमन के भी इ समय काफ़ी प्रसिद्धि मिलत ह, हम इ फ़िलिम क निर्माण कइले हईं।

“अग्नियुद्ध” क कहानी के बारे में कुछ बताईं।

“अग्नियुद्ध” क कहानी दू सग दोस्तन क कहानी ह जवन एक दूसरे पे जान छिड़केलन। पर आगे चलकर फ़िलिम में कुछ अईसन स्थिति पैदा होखेला कि दूनों दोस्त के जिंदगी में हाहाकार मच जावेला। इ फ़िलिम क अंत सबसे बेहतरीन सीन होइ। भोजपुरी फ़िलिम के इतिहास में अब तक अईसन क्लामेक्स नईखे फ़िल्माइल गईल ह।

रवि किशन के साथे राउर “अग्निमोर्चा” के बाद अब “अग्नियुद्ध”, कईसन अनुभव रहल ओन्करे साथ काम कर के ?

रवि किशन के साथे हम “अग्निमोर्चा” अऊर “अग्नियुद्ध” बनवले हईं, अऊर हमके पूरा आशा ह कि आगे भी हम सिर्फ़ रवि किशन के साथे ही फ़िलिम बनाइब। हमार बदे त रवि किशन भगवान जईसन हऊअन। हमनीं के दोस्ती लाजवाब ह। आज के दुनिया में जहाँ सच्ची दोस्ती बहुते कम देखे के मिलेला, रवि किशन हमार सबसे सच्चा दोस्त हऊअन। राउर आगे भी देखिहाँ, इ दोस्ती कबहुँ ना बदली।

“अग्नियुद्ध” क यू॰एस॰पी॰ का होइ ?

“अग्नियुद्ध” क यू॰एस॰पी॰ फ़िलिम क शानदार अऊर मन के छू लेवे वाला इमोशनल सीन होइ। आम जनता इ फ़िलिम के आपन जिन्दगी के काफ़ी नजदीक पइहन। फ़िलिम में एक परिपक्व लव स्टोरी दिखाइल गईल ह, जवन शादी के बाद पति पत्नी में होखेला।

आज जब भोजपुरी फ़िलिम क पुछ दुनियाभर में होत ह, एक भोजपुरिया वर्ग अईसन भी ह जवन भोजपुरी फ़िलिम के अश्लीलता के पर्याय से ज्यादा कुच्छो नईखे समझेला, राउर का विचार रखेला ?

इ बात त सच ह कि पईसा खातिर कुछ लोग भोजपुरी फ़िलिम के नाम पर अश्लीलता परोसत हऊअन, बाकि हमार इ भी मानना ह कि आज के दर्शक के स्वच्छ मनोरंजन चाही। अगर फ़िलिम में कवनो अश्लीलता रही, त दर्शक खुदे उ फ़िलिम के नकार देइ।

“अग्नियुद्ध” के कब रीलीज करे क विचार ह ?

“अग्नियुद्ध” के हम मार्च तक सम्पूर्ण भारत में रीलीज करब। फ़िलिम में रवि किशन के अलावा रिंकू घोष, रोहित रजावत, गोपाल राय, दीप ज्योति, वाहीद अली, प्रमोद शुक्ला अऊर बृजेश त्रिपाठी भी नज़र अहियन।

CLICK HERE TO READ THIS INTERVIEW IN BHOJPURI

Share

 

 

1 comments posted (Showing 1 to 1)

Raju bhaiya u r so great director & great friend & great big brother,,,,,,,,,,,,,,,,,,,,,,,,,,,,,,,,,,,,,,,,,,,,,,,i like your attitude and your style,,,,,,,,,,,,,,,,,,,,,,ravi bahiya to mere adarsh pehale se hi the,,,,,,,,,,,,lekin jab se apase hamari baat huyi hai tab se maine jana ke aap kya hain,,,,,,aur aap bhi mere adarsh director ban gaye hain,,,,,,,,,,,,mujhe nahi pata tha ke aap dono log beast friend hain,,,,,,,,,,,,,,,,,,,,,,,,,,,,,,,,

Posted by : Ashutosh Aryan Actor at 23:51:30 on 2011-06-19

 

Say something