"खेला" जात-पात, भेदभाव के ताने-बाने में बुनल एक इमोशनल फ़िलिम ह – राजीव मिश्रा

2011-02-21

ए॰पी॰आर्ट्स क्रियेशन अऊर ओम शिवन मूवीज़ क फ़िलिम “खेला” में नवोदित कलाकार राजीव मिश्रा भी नज़र अहियन। राजीव सीतामढ़ी जिला से हऊअन अऊर भोजपुरी फ़िलिम इंडस्ट्री में खेला से आपन किस्मत अजमईहन। भोजपुरियासिनेमा॰काँम से भईल बातचईत के दौरान राजीव आपन फ़िलिम खेला के बारे में जानकारी देहलन। पेश ह इ बातचीत क कुछ अंश:

प्रश्न. आपन फ़िलिम “खेला” के बारे में बताईं। इ फ़िलिम में का नया देखे के मिली ?

उत्तर. “खेला” बिहार में हो रहल जात पात अऊर सामंतवाद के उजागर करी। इ शायद पहिला फ़िलिम रही जवन हिंसात्मक न होकर मानवीय पहलु के छुइ। “खेला” के माध्यम से हमार कोशिश ह इ बतावे क कि इ जातपात से आम जनता के कम अऊर नेता लोगन के ज्यादा फ़ायदा मिलेला।

प्रश्न. “खेला” में रऊवा क का रोल ह ?

उत्तर.“खेला” में हमार किरदार क नाम मुन्न प्रसाद ह। मुना एक पत्रकार ह अऊर छोटे जात क ह जेकर बढ़त लोकप्रियता समाज के ठेकेदारन बदे चिन्ता के विषय बनत जात ह। इ ठेकेदार मुना अऊर ओहकर दोस्तन के फ़ायदा उठावेलन अऊर मजबूरी वश मुन्ना अऊर ओहकर दोस्तन के हथियार उठावे बदे मजबूर होखे के पड़ेला।

प्रश्न.रवि किशन के साथे काम करे क अनुभव कईसन रहल ?

उत्तर. रविकिशन जी के साथ काम करना गर्व की बात ह। इ फ़िलिम में रवि किशन एक नयके अन्दाज में दिखियन। रवि जी जेतना बड़ स्टार हऊअन, उतना ही बढ़िया इंसान भी हऊअन। आपन को-आर्टिस्ट के भरपूर सपोर्ट करेलन रवि जी।

प्रश्न. “खेला” के निर्देशक आनन्द गहतराज के बारे रऊवा का विचार रखेला ?

उत्तर. आनन्द गहतराज बहुते सुलझल निर्देशक हऊअन अऊर ओनकर कहानी पर बहुत अच्छा पकड़ ह। आनन्द जी पहिले “कब होइ गवना हमार” अऊर “कानून हमरा मुट्ठी में” जईसन फ़िलिम निर्देशित कर चुकल हऊअन अऊर इ बार भी आशा ह कि रऊवा इ फ़िलिम से कमाल करिहन।

प्रश्न. “खेला” के बाद का योजना ह ?

उत्तर.“खेला” के बाद हमार अगली फ़िलिम “योद्धा” ह जेम्में भरपूर एक्शन दिखी। अऊर भी फ़िलिम पर बात चलत ह पर सब फ़ाइनल होखे पर एकर खुलासा करब।

CLICK HERE TO READ THIS INTERVIEW IN ENGLISH

Share

 

 

0 comments posted

No comment posted yet! Be the first.

 

Say something