“देसवा” बनावे क चुनौती बहुत कठिन रहल : क्रांति प्रकाश झा

2010-10-15

हाँल ही में 41वें इंटरनेशनल फ़िलिम फ़ेस्टिवल में भोजपुरी फ़िलिम “देसवा” के प्रदर्शित कईल गईल रहल। “देसवा” से आपन फ़िल्मी कँरियर शुरू करे वाले क्रांति प्रकाश झा भोजपुरियसिनेमा॰काँम से इ फ़िलिम के बारे में अऊर आपन भविष्य के योजना के बारे में बात कईलन। पेश ह बातचीत क मुख्य अंश:

सबसे पहले ता राउर आपन फ़िल्मी कँरियर के बारे में बताईं ? राउर कईसे फ़िलिम जगत से जुड़ला ?

सबसे पहिले त हमार माँडलिंग कँरियर ग्राँसिम मिस्टर इंडिया से शुरु भईल। फ़िर आगे कई बड़ ब्राँड क एड भी कईलीं। साथे में हम रंगमंच से जुड़कर थियेटर वगैरह में काम कईलीं। वर्तमान में हम एक नाटक करत हईं जेकर नाम ह “आओ साथी सपना देखें” जेहके राष्ट्रीय पुरस्कार विजेता स्वानंद किरकिरे निर्देशित करत हऊअन।।

“देसवा” में काम करे क मौका कइसे मिलल ?

“देसवा” के निर्माता नीतू चन्द्रा अऊर निर्देशक नितिन चन्द्रा से हमार बहुते पहिले से परिचय रहल, बाकि जब राउर हमके इ फ़िलिम में काम करे के बात कईलन, तब हम काफ़ी रोमांचित हो गईले रहलीं। बुझात रहल कि हमके कुछ बढ़िया काम के फ़लस्वरुप इ फ़िलिम मिलत ह।

“देसवा” में आपन रोल के बारे में बताईं।

“देसवा” में हमार रोल एक अईसन लड़िका के ह जवन आपन देस बदे कुछ करे क तमन्ना रखेला। इ लड़का आपन देस अऊर समाज बदे कुछ करे के आपन फ़र्ज़ समझेला। इ लड़का आपन फ़र्ज़ कईसे निभावेला, इहे “देसवा” में दर्शाइल गईल ह।

इ फ़िलिम के निर्देशक नितिन चन्द्रा के साथे काम करे क अनुभव कईसन रहल ?

जईसन कि हम पहिले बतईले हईं, हमार सम्बंध नितिन चन्द्रा से काफ़ी पहिले क ह, पर हमके हमेशा से इ शंका रहल कि ओन्कें बारे में कई अईसन राज़ ह जवन हमके नईखे पता बा। इ बात सिद्ध भईल “देसवा” के सेट पर जहाँ नितिन चन्द्रा क नयका रुप हमनीं के दिखल। नितिन चन्द्रा पूरी तरह से पेशेवर निर्देशक हऊअन अऊर ओनकर आशा पर खरा उतरे एक बहुत बड़ चुनौती ह। “देसवा” बनावे क चुनौती बहुत कठिन रहल पर नितिन हार ना मनलन। एक बहुते बढ़िया अनुभव रहल नितिन जी के साथे काम करना अऊर हमनीं के बहुत कुछ सीखे के मिलल।

॰ राउर आपन ड्रीम रोल के बारे में बताईं।

हमार विश्वास ह क एक्टिंग से एक एक्टर के अनेक जिन्दगी अलग अलग परिस्थिती में जीये के मिलेलिन। हमार सपना ह कि हम उ भूमिका करीं जवन इ देश के युवा पीढ़ी पर एक सकरात्मक प्रभाव छोड़े, जईसन कि “देसवा” में हमार भूमिका ह।

आपन भविष्य के योजना के बारे में बताईं।

एक हिन्दी फ़िलिम ह “विकल्प” जवन जल्द ही रिलीज होइ।

CLICK HERE TO READ THIS INTERVIEW IN ENGLISH

Share

 

 

4 comments posted (Showing 1 to 4)

kranti ji, you are my favourite artist and i hope you will perform better to the best. i pray for your number one acting career in bhojpuri as well as in hindi cinema.

Posted by : Satyendra jha at 10:23:03 on 2012-05-07 See_User_Profile

kranti ji, you are my favourite artist and i hope you will perform better to the best. i pray for your number one acting career in bhojpuri as well as in hindi cinema.

Posted by : Satyendra jha at 10:23:03 on 2012-05-07 See_User_Profile

hi kanti jee you are a god actor and first time you play film like a desba is good begining . keep it brother . i pray with god about your success.

Posted by : durgesh jha at 01:13:06 on 2012-01-27

This actor is my fav. one .

Posted by : Anand Mohan Singh at 10:49:17 on 2011-11-20

 

Say something